समाचार
कोरोना महामारीमा जनताको सेवामा खटेका स्वास्थ्यकर्मी तथा अन्यकर्मचारीलाई सम्मान
२०७७/०३/१२________
बंगलाचुली गाउँपालिकाले कोरोना महामारिका समयमा कोरोना महामारी नियन्त्रण तथा रोकथामका लगाि अग्रपक्तिमा रहेर जनताको सेवा गर्ने स्वाथ्यकर्मीहरुलाई सम्मान गरेको छ । बंगलाचुली गाउँपालिकाको सातौँ गाउँसभाको अवसरमा उहाँहरुलाई सम्मान गरिएको हो ।
सो अवसरमा स्वास्थ्य शाखा प्रमुख भक्त बहादुर जि.सी., र स्वास्थ्य शाखा सह-संयोजक ईन्द्रा कुमारी घर्ती, स्वाव संंकलन टिमको तर्फबाट टिम लिडर वरिष्ठ ल्याव असिस्टेन्ट हरि जि.एम.,ल्याव टेक्निसियन प्रतिक शर्मा,ल्याव असिस्टेन्ट डिला जि.एम.र का.स.कमल अधिकारीलाई सम्मानस्वरुप नगद तथा प्रसंशा पत्रले सम्मान गरिएको थियो ।
त्यसैगरी प्राथमिक स्वास्थ्य केन्द्र स्युजाका डा.दिपेश आचार्य,सि.अ.न.मि.पम्फा पोखरेल,लगाएत सबै स्वास्थ्य कर्मीहरु, प्रस्तावित बंगलाचुली अस्पतालका डा.बसंन्त शाह,सि.अ.हे.व. नेव बहादुर के.सी.,लगाएत सबै स्वास्थ्यकर्मीहरु,
स्वास्थ्य चौकि लोहारपानीका हे.अ. दिलिप बाँठामगर,सि.अ.हे.व.गोकर्ण बहादुर बुढा मगर लगाएत सबै स्वास्थ्यकर्मीहरु, स्वा.चौ.हाँसीपुरका सि.अ.हे.व. लाल बहादुर घर्ती लगाएतका सबै स्वास्थ्यकर्मीहरु, आ.स्वा.के. प्रमुख शिवराज अर्जेल (डाबर ४ ) , ईश्वर बहादुर पुन (बढिपोखरा २ ),बाशुदेव महरा (भुटनेटा ६),लक्ष्मी के.सी.(लाहापे ७) ,छविलाल डाँगी (तापा ४)लगाएत सम्पुर्ण स्वास्थ्यकर्मीहरुलाई सम्मान स्वरुप प्रदान गरिएको प्रसंशा पत्र शाखा प्रमुख भक्त बहादुर जि.सि.लाई हस्तान्तरण गरिएको थियो ।
यसैगरी कोरोना महाँमारीका विच निरन्तर व्यवस्थापन तथा सुचना संकलन र संप्रेषणमा उल्लेखनिय भूमिका निर्वाह गर्नुहुने बंगलाचुली गाउँपालिकाका संचार संयोज जीवन नेपालीलाई पनि प्रसंशा पत्र प्रदान गरिएको थियो ।
त्यसैगरी कार्यालय सहयोगिहरु,अहोरात्र खटिने एम्वुलेन्स चालकहरु,सवारीचालकहरु,सुरक्षाकर्मी प्र.ह.शुनिलकुमार वि.क.लाई पनि प्रसंशा पत्र प्रदान गरिएको थियो । बंगलाचुली गाउँपालिका कोरोना संक्रमण दर व्यापक बन्दै गएको अवस्थामा पनि विचलित नभई जनताको स्वास्थ्यलाई उच्च प्रथमिकतामा राखी सेवा प्रदान गर्ने स्वाथ्यकर्मीहरुको मनोबल बढाउन यस कदमले टेवा पुराउने विश्वास गाउँपालिकाले लिएको छ ।
बंगलाचुली गाउँपालिकामा हाल सम्म एक जना चिकित्सक,दुईजना वडा अध्यक्ष,एकजना वडा सदस्य,एक जना मिहला स्वास्थ्य स्वयमसेविका , एकजना स्वयम सेवक र एक जना भान्से सहित १ सय ४३ जनामा कोरोना संक्रमण पुष्टी भई सकेको छ ।