संमृद्ध बंगलाचुलीको विहानी

बंगलाचुली गाउँपालिका, दाङ जिल्लाको प्राकृतिक सौन्दर्य, धार्मिक सम्पदा तथा मगर संस्कृतिले समृद्ध पर्यटकीय क्षेत्र हो। यहाँका प्रमुख पर्यटकीय स्थलहरू निम्नानुसार छन्:

1. बंगलाचुली भ्यू टावर – गाउँपालिकाको प्रमुख आकर्षणका रूपमा परिचित यो स्थानबाट दाङ उपत्यका, हरियाली पहाड तथा सफा मौसममा धौलागिरि, अन्नपूर्ण, माछापुच्छ्रे र सिस्ने हिमालको मनोरम दृश्य अवलोकन गर्न सकिन्छ।
2. धिमधिमे लेक (स्युजा) – सूर्योदय र सूर्यास्तको रमणीय दृश्य, प्राकृतिक वातावरण तथा पदयात्राका लागि प्रसिद्ध पहाडी क्षेत्र हो। यो स्थान प्रकृतिप्रेमी र फोटोग्राफीका लागि उपयुक्त मानिन्छ।
3. बंगलाचुली पार्क – दाङ–प्युठान सीमाक्षेत्रमा विकसित गरिएको पर्यटकीय पार्क हो। यहाँ पदमार्ग, विश्रामस्थल, बगैँचा, सौर्य बत्ती तथा अवलोकन स्थलहरूको व्यवस्था गरिएको छ।
4. बाचेनी गाउँ – मगर समुदायको परम्परागत संस्कृति, ग्रामीण जीवनशैली, हरियाली पहाड तथा आकर्षक खेती प्रणालीको अनुभव गर्न सकिने रमणीय गाउँ हो। यहाँ होमस्टे पर्यटनको पनि सम्भावना रहेको छ।
5. सांस्कृतिक नृत्यस्थल – मगर समुदायका परम्परागत नृत्य, लोकसंस्कृति तथा सांस्कृतिक कार्यक्रमहरूको अवलोकन गर्न सकिने स्थान हो।
6. बागेश्वरी मन्दिर – धार्मिक आस्था बोकेको प्रसिद्ध मन्दिर हो। यहाँ विशेषगरी विभिन्न धार्मिक पर्व तथा मेलाका अवसरमा भक्तजनहरूको उल्लेखनीय उपस्थिति रहने गर्दछ।
7. मौवालेक (गडीलेक) – प्राकृतिक दृश्यावलोकन, पदयात्रा तथा मनोरञ्जनका लागि उपयुक्त रमणीय पहाडी क्षेत्र हो।
8. तोड्के डाँडा – हरियाली वन, शान्त वातावरण तथा प्राकृतिक सौन्दर्यले भरिपूर्ण यो स्थान आन्तरिक पर्यटकहरूका लागि आकर्षक गन्तव्य मानिन्छ।