बंगलाचुली गाउँपालिका वडा नं.-५ को वडा कार्यालय भवनको उद्घाटन

कमिरेचौर,४ साउन ___________

दाङको बंगलाचुली गाउँपालिका वडा नं.-५ को वडा कार्यालय भवनको शनिवार एक कार्यक्रमको आयोजना गरी हस्तान्तरण तथा उद्घाटन गरीएको छ । बंगलाचुली गाउँपालिका वडा नं.-५ का अध्यक्ष एनुराज खत्रीको अध्यक्षता एवं गाउँपालिका अध्यक्ष भक्त बहादुर वलीको प्रमुख आतिथ्यमा कार्यक्रम सम्पन्न भएको थियो ।

सो अवसरमा निर्माण कम्पनिका तर्फबाट नव सृजनशिल कन्ट्रक्सन कम्पनि प्रा.लि. शिनामंगल काठमाडौँका विष्नु गौतमले वडा नं.५ को नवनिर्मित भवनको साँचो वडा अध्यक्ष एनुराज खत्रीलाई हस्तान्तरण गर्नु भएको थियो । त्यसपछि बंगलाचुली गाउँपालिका अध्यक्ष भक्त बहादुर वलीले भवनको उद्घाटन गर्नु भएको थियो ।

सो अवसरमा बोल्दै गाउँपालिका अध्यक्ष भक्त बहादुर वलीले वडा नं.-५ ले अब देखि आफ्नै भवनबाट जनतालाई सेवा दिने अवसर जुरेको बताउनु भयो ।उहाँले संसारभर कोरोना महामारीले आक्रान्त पारिरहेको यो अवस्थामा पनि निर्माण कम्पनिले समयमै वडा कार्यालय भवन निर्माण गरेको भन्दै कृतज्ञता ज्ञापन गर्नु भयो । अध्यक्ष वलीले बंगलाचुली गाउँपालिकाको भौतिक निर्माणले गति लिईरहेको अवस्थामा अव क्रमसः वडा कार्यालयहरु उद्घाटन गरिने बताउनु भयो ।

सो अवसरमा बंगलाचुली गाउँपालिकाका प्रमुख प्रशासकीय अधिकृत नेव बहादुर वलीले वडा कार्यालय भवन निर्माणको बारेमा जानकारी गराउनु भएको थियो । अधिकृत वलीले वडा कार्यालय निर्माणमा झण्डै ४८ लाख ५० हजारको लागत लागेको जानकारी गराउनु भएको थियो । अधिकृत वलीले निर्माण व्यवसायिले लगडाउनका विचमा पनि छोटो सयमा गुणस्तरिय काम गरेको भन्दै निर्माण कम्पनिलाई धन्यवाद ज्ञापन गर्नु भएको छ ।

यस्तै कार्यक्रममा नेपाली काग्रेस क्षेत्र नं.-२ का सचिव जितबहादुर वलीले निर्माण कम्पनिले गुणस्तरिय काम गरेको र समयमै काम सम्पन्न गरेको भन्दै निर्माण व्यवसायिको प्रसंशा गर्नु भयो । उहाँले आफुले सोँचेको भन्दा पनि छोटो समयमा काम सम्पन्न भएको र गाउँपालिकाको अन्य कामहरु पनि समयमा गर्न समेत सुझाव दिनु भयो ।

कार्यक्रममा जिल्ला समन्वय समिति दाङका सदस्य खिम बहादुर वली,सुधा मा.वी.झेलनेटका प्राचार्य बाबुराम पौडेल, नव सृजनशिल कन्ट्रक्सन कम्पनि प्रा.लि. शिनामंगल काठमाडौँका विष्नु गौतम लगाएतले बोल्नु भएको थियो । बंगलाचुली गाउँपालिका कार्यपालिका सदस्य पवित्रा जि.सी.को स्वागत मन्तव्य बाट सुरुभएको कार्यक्रमको सहजिकरण बंगलाचुली गाउँपालिका स्वास्थ्य शाखा प्रमुख भक्त बहादुर जि.सी.ले गर्नु भएको थियो ।